حوارات

من الناشئين إلى البطولات القارية … عمر طلعت لاعب الإتحاد لكرة السلة يتحدث عن أصعب مباريته وتجاربه القارية

حوار : محمد رزق مصطفى

اعداد : عبدالرحمن احمد

كتابة : وجيه عمرو

 

يكشف اللاعب عمر طلعت عن كواليس رحلته مع نادي الاتحاد وتجربته المميزة في بطولة أفريقيا BAL، التي شكلت نقطة فارقة في مسيرته.
ويتحدث عن أصعب التحديات التي واجهها، وعلى رأسها مواجهاته القوية أمام الأهلي ومستوى المنافسة العالي في البطولات القارية.
كما يسلط الضوء على طموحاته المستقبلية، وأسرار تطوره داخل الملعب، والدروس التي تعلمها في طريقه نحو الاحتراف.

 

1 – شاركت مع الاتحاد في بطولات مهمة زي دوري أفريقيا BAL .. ايه اكتر تجربة أثرت فيك ؟
اهم بطولة شاركت فيها بطولة افريقيا BAL .. كانت تجربة مهمه اوى و كان نفسى اخوضها اوى من زمان .

2 – ايه أصعب مباراة لعبتها في البطولات الأخيرة؟و ليه ؟
اصعب ماتش لعبته كان مع الاهلى لانه كان بالنسبالى تحدى كبير .. يعتبر احسن فرقة فى مصر هو و الاتحاد فكان بالنسبالى تحدى كبير انى انزل و العب حلو .
3 – شايف مستوي المنافسة في البطولات الأفريقية عامل ازاي مقارنة ب الدوري المصري ؟
شايف مستوى عالى لان انت بتلاعب احسن فرقة من كل دورى و كمان بيبقى فى محترفين كتير اوى مثلا من ال MBA جايين يلعبوا االبطولة دى ف هى بقيت عالمية مؤخرا و اعلاناتها كبيرة .. مستوى عالى اوى .
4 – اكتر فريق واجهته وكان تحدي كبير ليك ؟
كانت نقطة تحول انى صعدت من و انا عندى 16 سنه مع كابتن احمد مرعى .. كانت حاجه كبيره اوى بالنسبالى .. كنت اول واحد اتصعد فى 2005 للدرجة الاولى و من ساعتها الحمدلله حافظت على التصعيد ده كل سنه من 16 سنه .
5 – هل في لحظة معينة في بطولة حسيت انها نقطة تحول في مشوارك ؟
كابتن احمد مرعى كان شايف فيا حاجه كويسه .. حتى مؤخرا لما مسك المنتخب الاوليمبى سافرنا الصين معسكر 3 اسابيع ..لعبنا ماتشات ودية و تحضير للبطولة العربية و كنت مساهم اساسى فيها .

6 – ايه اهم درس خرجت بيه من مشاركاتك القارية ؟
كانت تجربة جميلة بصراحه انى ابقى بلاعب منتخبات كبيرة .. منتخبات الدرجة الاولى و انا فى سن صغير .. كانت استفادة كبيرة اوى بالنسبالى و ثقة كابتن احمد مرعى كانت مشجعانى اوى و ده خلانى ابذل اقصى جهدى .

7 – ايه مركزك المفضل في الملعب ؟ وبتشوف نفسك بتتميز في ايه ؟
مركزى المفضل هو شوتنجتارت لانه يتميز بالتصويب اكتر حاجه و بهدها دخول الباسكيت بس اهم حاجه التصويب .

8 – بتشتغل علي تطوير نفسك ازاي بين كل بطولة والتانية ؟
انا بشوف كل ماتش لعبته سواء حلو او وحش .. انا حتى لو لعبت ماتش حلو اوى ف اكيد غلط فيه فبشوف الغلط عشان ما اكررهاش فى اى ماتشات تانيه سواء ناشئين او درجة اولى و دى بتساعدنى بصراحة فى التطوير , مش بطولة ببطولة حتى لا هى بتفرق من ماتش لماتش .

9 – ايه الدرس اللى اتعلمته و مكمل معاك ؟
اهم در عشان تبقى مستمر فى فرق كبيره و دورى كبير لازم يبقى ليك ميزه محدش بيعرف يعملها غيرك انت بس و دى هتفرق معاك اوى .. و فى نفس الوقت دى هتريحنى كتير ادام و هترحنى انى العب فى الدوريات الكبيرة دايمأ .

10 – مين من زمايلك فى الفريق بيدعمك ؟
كلهم بتعلم منهم و هما بصراحة بيعلمونى و لبنصحونى كمان فى الملعب على حجات اعملها و بتفرق معايا كتير لما بسمع كلامهم و هما اداريا و فنيا كلهم وقفوا جمبى .

في ختام هذا الحوار، يظهر بوضوح حجم الشغف والإصرار الذي يقود مسيرة لاعبنا، من بداياته المبكرة وحتى

مشاركاته في بطولات كبرى مثل (BAL). رحلة مليئة بالتحديات، من مواجهات قوية أمام فرق كبيرة، إلى

لحظات فارقة صنعت منه لاعبًا أكثر نضجًا وثقة. وبين العمل المستمر على تطوير نفسه والدعم الذي يجده

داخل فريقه، يواصل السعي لترك بصمة مميزة في الملاعب. طموحه لا يتوقف، وخطواته القادمة تعد بالكثير

في مشوار يبدو أنه لا يزال في بدايته.